ცხოველების შესახებ ყველაფერი

ცხოველები

GEDLEsims — Tue, 03 Apr 2012 10:20:57 GMT

კოალას დღეში 22 საათი სძინავს.

კატები ტკბილს არ ჭამენ.

საზოგადოებაში დამკვიდრებული აზრის მიუხედავად, ფრინველები, ისევე როგორც ძუძუმწოვრები, ქვეწარმავლები და ამფიბიები, ცხოველები არიან.

ღამურა ერთადერთი ძუძუმწოვარი ცხოველია, რომელსაც ფრთები აქვს და დაფრინავს.

გიბრალტარი ერთადერთი ადგილია ევროპაში, სადაც მაიმუნები ბინადრობენ.

მხოლოდ კურდღელს და თუთიყუშს შეუძლია თავის მოუბრუნებლად ხედავდეს ზურგს უკან.

ინტელიგენტ ხალხს უფრო მეტი თუთიის და სპილენძის შემადგენლობა აქვთ თმაში.

გერმანული ნაგაზი უფრო მეტჯერ კვენს ადამიანებს, ვიდრე რომელიმე სხვა ჯიშის ძაღლი.

მოზრდილი კენგურუ 9 მეტრზე ხტის.

ყველაზე დიდი გარეული ღორი მოკლეს კანადაში და მისი წონა იყო 470 კგ.

ყველაზე ძლიერმოქმედი შხამი აქვს პაწაწინა ბაყაყს, რომელიც ცხოვრობს კოლუმბიაში. მის შხამს ვერცერთი გველის შხამი ვერ შეედრება. მისი საწინააღმდეგო შრატი არ არსებობს. ეს ცხოველი 2სმ-ია და იწონის 1 გრამს. მისი შემჩნევა თითქმის შეუძლებელია.

ყველაზე დიდი ბაყაყი - გოლიოფია, რომელიც ბინადრობს აფრიკაში. მისი სხეულის სიგრძე 30 სმ-ია, წონა კი 3,5 კგ.

- მამრი მაიმუნები ისევე მელოტდებიან, როგორც მამაკაცები.

ზოგიერთი ლომი სქესობრივ კავშირს დღეში 50-ზე მეტჯერ ამყარებს.

მხოლოდ 2 არსებაა ისეთი, რომელიც უკან ხედავს ყველაფერს თავის მიბრუნების გარეშე! ესენი არიან კურდღელი და თუთიყუში!

აქლემი უდაბნოს საშინელ სიცხეში კვირების განმავლობაში ძლებს უწყლოდ. როგორ ახერხებს აქლემი თავის გადარჩენას? ამ კითხვას ქიმიკოსებმა უპასუხეს.

შხამიან ბაყაყს თავისი შხამი ეყოფა 2200 კაცის მოსაკლავად.

პოლარულ დათვებს შეუძლიათ განავითარონ 40 კმ/სთ სიჩქარე.

ბეჰემოტები წყლის ქვეშ მშობიარობენ

მიუხედავად კუზისა, აქლემის ხერხემალი სწორია

თუ აქლემს წყურვილი კლავს,მას შეუძლია 15 წუთის განმავლობაში 200 ლ. წყლის დალევა.

თანამედროვე ეპოქაში ცხოვრობს 1,5-იდან 2 მლნ-მდე სახეობის ცხოველი (მეცნიერთა ვარაუდით ეს რიცხვი შეიძლება 10 მილიონს აღწევდეს).

ღორისთვის ფიზიკურად შეუძლებელია ცაში ახედვა.

ვირთხები მრავლდებიან ისე ჩქარა, რომ შესაძლებელია ორ ვირთხას 18 თვეში ჰყავდეს მილიონზე მეტი შთამომავალი.

ზღარბის გული საშუალოდ ცემს 300-ჯერ წამში.

ჰიპოპატამს იმხელაზე შეუძლია პირის გაღება, რომ 1 მეტრი და 30 სანტიმეტრის სიმაღლის ბავშვი თავისუფლად შეეტევა შიგ.

სპილოს ერთი ეშვისაგან მზადდება კლავიშები 15 როიალისთვის

ამერიკაში 58 მილიონ ძაღლზე მეტია.

დედამიწაზე 10 მილიონამდე სახობის ცხოველი და მცენარეა , მაგრამ 50 ყოველდღიურად ქრება.

კატები და ძაღლები 11 მილიარდის საკვებს მოიხმარენ ყოველწლიურად.

დადგენილია, რომ მილიონობით ხე დარგულია ციყვების მიერ, რომელსაც დამარხული თხილის ამოღება ავიწყდებოდათ.

ხარები ვერ ხედავენ ნათელ ფერებს, ამიტომ მატადორის დროშა შეიძლება იყოს წითელიც და ყვითელიც.

ჩრდილოამერიკულ რუხ დათვს შეუძლია ისე ჩქარა ირბინოს , როგორც ცხენს.

ახალდაბადებული პანდა უფრო პატარაა ვიდრე თაგვი, და დაახლოებით 100 გრამს იწონის.

ჟირაფის გული 22 კილოგრამს იწონის.

კენგურუს ყველაზე გრძელი ნახტომი სიგრძეზე 13 მეტრსა და 63 სანტიმეტრს შეადგენს , ხოლო სიმაღლეზე 3 მეტრს და 20 სანტიმეტრს.

კენგურუ 1 ნახტომით ფარავს დაახლოებით 9.20 მეტრს.

ყველაზე გრძელი ენა ცხოველთა შორის აქვს ჭიანჭველაჭამიას. მისი ენის სიგრძე 60 სმ-ია.

ყველაზე დიდხანს ძილის მდგომარეობაში უჭმელად ძლებს ზღარბი – 235 დღეს. დათვი შიმშილობს 180 დღეს.

ყველაზე მძიმე ჯიშის ძაღლია სენბერნარი. მისი მაქსიმალური წონაა 111 კგ.

როდესაც გორილა ბრაზობს, ის ენას ყოფს.

თეთრი დათვის ტყავი შავი ფერისაა.

კოალას დღე ღამეში 18-22 საათი სძინავს.

ყველაზე გრძელი ძაღლის ყურები 2004 წლის 29 სექტემბერს გაზომეს. მისი მფლობელია მეძებარი, სახელად ტიგერი, რომლის პატრონები ილინოისის შტატის ქალაქ სენტ–ჯოზეფში ცხოვრობენ. ძაღლის მარჯვენა ყურის სიგრძე 34,9, ხოლო მარცხენის – 34,2 სანტიმეტრს შეადგენს.

ჩრდილო აღმოსავლეთ გერმანიაში 4 წლის ირლანდიურმა სეტერმა დაამყარა ახალი რეკორდი, მან დაბადა 18 ლეკვი თერთმეტი დედალი და შვიდი მამალი. ამ ჯიშის ძაღლები ბადებენ მაქსიმუმ 8-დან 12-მდე ლეკვს.

ჟირაფებს არ აქვთ ხმის იოგები.

ჟირაფის კისერი 1.8 მეტრს აღწევს. ეს ერთი მაღალი ადამიანის სიმაღლეა.

ქალამანა ყველაზე პატარა ცხოველია. მისი დანახვა მხოლოდ მიკროსკოპით შეიძლება.

აფრიკული სპილო სიმაღლეში 4 მეტრი იზრდება, ახლად დაბადებული სპილოც კი 1 მეტრის სიმაღლისაა.

ზრდასრული ლურჯი ვეშაპი სიგრძეში სამი ავტობუსისოდენაა და 20 სპილოზე მეტს იწონის.

მსოფლიოში ყველაზე გრძელი კატა არის 1.21 მ. სიგრძის. ჯურნალმა "რენო”-მ გამოაცხადა, რომ 5 წლის სტიუ გახდა გინესის რეკორდსმენი. ის გაზომეს და როცა დარწმუნდნენ, რომ 121 სანტიმეტრი იყო, გადასცეს რეკორდსმენის ტიტული. იგი გაიზომა ცხვირიდან კუდის ძვლამდე. მან წინა მფლობელს გაუსწრო რამოდენიმე მილიმეტრით.

დალმატინელი ლაქების გარეშე იბადება.

ცოცხალი არსებებიდან მხოლოდ ადამიანსა და კოალას აქვთ კიდურების უნიკალური ანაბეჭდები. ამასთანავე, კოალას ანაბეჭდების ადამიანისგან გამორჩევა მხოლოდ პროფესიონალურ კრიმინალისტებს შეუძლიათ.

თეთრი დათვი მტაცებელი ძუძუმწოვარი ცხოველია, დათვისებრთა ოჯახიდან. არქტიკული ფაუნის ტიპობრივი წარმომადგენელი. გავრცელებულია ჩრდილოეთ ყინულოვანი ოკეანის კუნძულებსა და სანაპიროებზე. მამრის სხეულის სიგრძე 2.5-3 მ, ხოლო მდედრის 2-2.5 მ აღწევს. მამრების წონა 400-650 კგ (იშვიათ შემთხვევაში 1000 კგ), ხოლო მდედრების 175-300 კგ. სიცოცხლის ხანგრძლივობა 20-30 წელია.

ყველაზე მაღალი ძროხა, რომლის სიმაღლეა 1.83 სანტიმეტრი.

ჟირაფს ფეხის ერთი დარტყმით შეუძლია, თავის ქალა ჩაუმსხვრიოს ლომს.

ცხვარს ექვსი თვის ასაკიდან 1 წლამდე თოხლი ჰქვია.

შიმპანზეს ღიტინის ეშინია და პრიმატებიდან ერთადერთია, რომელსაც სიცილი შეუძლია.

პუდელის ჯიშის ძაღლებს ძველად იხვებზე სანადიროდ იყენებდნენ.

ძაღლის სმენა ოთხჯერ აღემატება ადამიანისას, ხოლო ყნოსვა 37-ჯერ.

ცხენი ძილის დროს ფეხზე დგას.

დათვი კბილის ტკივილისგანაც კვდება.

ძროხები 200 000 ქილა რძეს იძლევიან თავიანთი ცხოვრების განმავლობაში.

სულ პატარა ზღარბებს დამრგვალება არ შეუძლიათ.

ჟირაფს ენით საკუთარი ყურების გამოწმენდა შეუძლია.

მთიან, მოშიშვლებულ ტერიტორიებზე ზებრებს ზოლები უქრებათ.

ძალიან პატარა ალბათობაა იმის რომ; ექსპერტმა ერთმანეთისგან გაარჩიოს კოალას და ადამიანის თითის ანაბეჭდები.

ათასწლეულების მანძილზე ადამიანი იყენებდა აფრიკულ სპილოს არაჩვეულებრივ ძალასა და გამძლეობას ტვირთის გადაზიდვისა და ტრანსპორტირებისთვის დიდ მანძილზე. აფრიკული სპილოს ტანი 100 000 კუნთს მოიცავს და 270 კგ-მდე წონის ტვირთის აწევა შეუძლია.

ავაზას ეკუთვნის პირველობა სისწრაფეში ხმელეთზე მობინადრე ცხოველებს შორის. ხშირად მისი სიჩქარე აჭარბებს 100 კმ/სთ-ს და სიჩქარის მაქსიმუმამდე 3 წამში ადის. ამხელა მონაცემებს მოქნილი სხეულისა და გრძელი, დაკუნთული ფეხების საშუალებით ავითარებს. მაგრამ სირბილისას ენერგიის დიდ რაოდენობას კარგავენ, ამიტომ დაახლოებით 900 ფუტის (274 მ) შემდეგ ჩერდებიან.

მლოცველი თუთიყუში

GEDLEsims — Mon, 26 Mar 2012 15:54:15 GMT

ტალღისებრი თუთიყუში - 2

GEDLEsims — Mon, 26 Mar 2012 15:26:36 GMT

გთავაზობთ ტალღისებრი თუთიყუშის მოვლის წესებსა და მათ თავისებურებებს

ამ ბლოგში მე შევეცდები მოგაწოდოთ ამომწურავი ინფორმაცია ტალღისებურ თუთიყუშებზე, რათა უკეთესად გაიცნოთ ამ თუთიყუშების სახეობა.
მოდით დავიწყოთ: ტალღისებური თუთიყუშის გავრცელების არეალი მოიცავს ხშირ ტყიან და ბუჩქოვან ადგილებს, სადაც ბევრია თავშესაფარი და ბუდისთვის გამოსადეგი ხის ფუღუროები. თავისი ბუნებით ეს თუთიყუშები ძალიან ხალისიანი და მოთამაშე ფრინველები არიან, განსაკუთრებით დილის საათებში უყვართ ცელქობა და ჟრიამული, რაც ერთობ მომაბეზრებელი ხდება ზოგიერთი პატრონისთვის, ამიტომ სანამ იყიდით ამ თუთიყუშს ჯერ გაარკვიეთ ამ სახეობის ქცევის თავისებურებები.
ტალღისებრის შერჩევა: მაშ ასე,თქვენ გადაწყვიტეთ იყიდოთ ამ სახეობის თუთიყუში და არ იცით თუ რა პარამეტრებით და რა წესების დაცვით უნდა შეარჩიოთ ეს ჩიტი? უპირველეს ყოვლისა უნდა დარწმუნდეთ, რომ ჩიტი ჯანმრთელია, ანუ მას უნდა ჰქონდეს ღია ფერის, სუფთა ბუმბული, ცოცხალი ფერები, იგი არ უნდა იყოს მობუზული და თავი არ უნდა ჰქონდეს ფრთაში ჩამალული. ის არ უნდა კანკალებდეს და კლოაკაც სუფთა უნდა ჰქონდეს (სკინტით მოსვრილი კლოაკა ფრინველის ავადმყოფობაზე მიანიშნებს). ფრინველს არც ფეხებზე და არც ნისკარტზე არ უნდა ჰქონდეს რაიმე მოთეთრო წამონაზარდები, რაც მიანიშნებს სოკოვან დაავადებებზე. უმჯობესია, თუ გალიასთან ერთად შეიძენთ ცარცსა და მინერალურ ქვას (რომელიც წააგავს წვრილად დაფშვნილ ხრეშს, მარცვლის ზომები არ უნდა აღემატებოდეს 1–1,2 მმ.–ს, ის ეხმარება კუჭს მაგარი და ხმელი მარცვლების გადამუშავებაში), რაც ზოომაღაზიაშივე იყიდება აგრეთვე არ დაგავიწყდეთ უყიდოთ სათამაშო, რომლებიც მრავლადაა ზოომაღაზიებში. შეეცადეთ უყიდოთ ისეთი სათამაშო, რომელიც იოლად არ ფუჭდება, არ ძვრება რაიმე დეტალები და ასე შემდეგ, რომ თუთიყუშმა არ გადაყლაპოს. თქვენ თვითონაც შეგიძლიათ მათთვის სათამაშოების დამზადება. სათამაშოები, რა თქმა უნდა, არ უნდა იყოს დამზადებული ტოქსიკური ნივთიერებებისაგან. თუ ყიდულობთ მხოლოდ ერთ თუთიყუშს, უყიდეთ მას პატარა სარკეც, რომ არ მოიწყინოს. ხშირად იძახიან ხოლმე, რომ თუ სარკეს დაუკიდებ, თუთიყუში ლაპარაკს ვეღარ ისწავლის, რაც არ შეესაბამება სიმართლეს (თუმცა ლაპარაკი უნდა ისწავლოს მხოლოდ და მხოლოდ მარტოდ ყოფნის დროს)

სახლში მიყვანა და სწორი ადგილის შერჩევა გალიისთვის: სახლში მიყვანის შემდეგ შეეცადეთ გალია ისეთ ადგილას დადგათ, სადაც ბევრი ადამიანი არ ტრიალებს და ხმაურიც შესაბამისად ნაკლებია. ეს კეთდება თავიდანვე, რადგან ფრინველს სტრესი არ მივაღებინოთ, რაც ხშირად გამოიხატება ხოლმე თხელ, წყალ-წყალა სკლინტის გამოყოფაში. გალია არ უნდა იდგას რაიმე ელექტრო მოწყობილობაზე, სასურველია თავიდან სახის სიმაღლეზე დადგათ გალია, რათა ჩიტი პირდაპირ გხედავდეთ; ხელები არასოდეს დააფაროთ გალიას ზევიდან, ასეთი ქმედება მისთვის ასოცირდება მტაცებლებთან. გალია არ დადგათ სამზარეულოში, რათა გაზისა და საჭმლის ორთქლმა არ შეაწუხოს ფრინველი. ვინაიდან გალიიდან ცვივა ბუმბული და საკვების ნარჩენები, გალიის განთავსება სამზარეულოში, ჰიგიენის თვალსაზრისითაც მიუღებელია.

სწორი კვება და მოვლა: რაც შეეხება კვებას ეს არც თუ ისეთი რთული საქმეა პატრონისთვის თუ იცის რა,როგორ და რა დროს მისცეს საჭმელი ჩიტუნას.არის უამრავი საკვები,რომლებიც გამდიდრებულია ვიტამინებით და შეიცავს ძალიან ბევრი სახის საკენკს(მარცვლეულს).შეიძინეთ ისეთი კოლოფები ან ცელოფნის პაკეტები,რომლებშიც ჰერმეტულობა არ არის დარღვეული(არსებობს საშიშროება რო შიგნით ბინადრობდეს სოკოვანი ან რაიმე სხვა დაავადების მაპროვოცირებელი ორგანიზმები,აგრეთვე რაიმე სახეობის წვრილი მწერები რაც იგივე საშიშროებას წარმოადგენს ჩიტისთვის ან თუ წონით იყიდით ,იყიდეთ ხოლმე ერთი და იგივე ადამიანისგან ან მაღაზიაში სადაც სისუფთავეა).აჭამეთ ზომიერად და არ აშიმშილოდ ჩიტი,ერთი დღის რაციონი შეადგენს თითქმის ერთი ჩაის კოვზ საკენკს(ცოტა მეტი),ეს იმ შემთხვევაში თუ მას აძლევთ აგრეთვე ხილს და ბოსტნეულს.ხილიდან ძალიან უყვართ:ვაშლი (მსხალი არ მისცეთ–შეიცავს მავნე ნივთიერებებს ჩიტისტთვის) ხოლო ბოსტნეულიდან:ძალიან უყვართ სტაფილო,ცოტაოდენი ჭარხალი,მწვანე სალათის ფოთლები(სასურველია ოხრახუში არ მისცეთ) და ეს ყველაფერი ძალიან კარგად გარეცხილი,რათა გამოირიცხოს დაავადებების შეყრა ჩიტზე.ამ სახის თუთიყუშებს არ უყვართ ორპირი ქარი (სკვაზნიაკი) ცივდებიან ძალიან მალე,რაც ისევ და ისევ სკლინტის თხელ კონსტიტენციაში გამოიხატება.პირდაპირი მზის სხივების ქვეშ ყოფნაც ძალიან საზიანოა,შეეცადეთ გალია ისეთ მდგომარეობაში დადგათ,რომ მზე ნახევრად ანათებდეს გალიაში ან ნახევრად რაიმე ნივთი ააფაროთ გალიას(მზის სხივების ზემოქმედებისას გამომუშავდება D ვიტამინი,ეს აუცილებელია).თუკი იმ ოთახში ტემპერატურა არ არის დაბალი შეგიძლიათ კვირაში ერთხელ აბანაოთ ჩიტუნია(კვირაში ერთხელ ჩამოუკიდეთ ხოლმე ეს საბანაო მოწყობილება გალიაზე) ანუ ბევრი საბანაო მოწყობილობები იყიდება ზოომაღაზიებში,სხვადასხვანაირები.
ამ სახეობის თუთიყუშები იოლად მრავლდებიან სახლის პირობებში. მოზრდილ მამალს ნისკარტის თავზე (ანუ ნესტოები, იგივე ცვლილოვანა) აქვს ცისფერი ან ლურჯი, ხოლო დედალს მუქი მოყავისფრო.

წყარო: floranimals.wordpress.com

საშიში ძაღლების შესახებ

GEDLEsims — Sun, 25 Mar 2012 17:05:02 GMT

საშიში ძაღლების შესახებ: 1991 წ. მიღებულმა აქტმა ე.წ. "საშიში ძაღლების" შესახებ, ძაღლები დასაჯა არა მათ მიერ ჩადენილი ქმედების, არამედ მხოლოდ მათი საშიში გარეგნობის გამო. საკითხავია, რამდენად ჰუმანურია ეს? ამ აქტით ხომ ძაღლების განსაზღვრული ჯიშები დაისაჯა. ხომ არ არის ეს ცხოველთა ერთგვარი რასობრივი დისკრიმინაცია. აქტში გამოთქმულ მოსაზრებას იმის შესახებ, რომ მებრძოლ ძაღლთა ჯიშები საშიშია ადამიანისათვის, ბევრი არ ეთანხმება. მართლაც, სტაფორდშირის ბულ-ტერიერები და ბულტერიერები საზოგადოდ, რომლებიც თავდაპირველად გამოყვანილნი იქნენ, როგორც მებრძოლი ჯიშის ძაღლები, ყოველ წლიურად ათასობით არიან რეგისტრირებულები ქენ-კლუბებში და მშვიდობიანად ცხოვრობენ ოჯახებში ყოველგვარი ინციდენტების გარეშე. თუმცა იყო შემთხვევა, როდესაც ბულ-მასტიფი, რომელსაც უხეშად (ბოროტად) ეპყრობოდნენ, ყოველ გამვლელს კბენდა (მას ტყავი ბევრ ადგილზე სიგარეტით ჰქონდა ამომწვარი), მაგრამ ხომ არ უნდა ნიშნავდეს ეს, რომ მსოფლიოში არსებული დანარჩენი 10 000 ბულ-მასტიფიც ასევე საშიშია ადამიანისათვის? შუა საუკუნეებში ამგვარი ძაღლები მათი უმაგალითო სიმამაცის გამო ფასობდნენ. მათ გარეულ ღორებზე ან სხვა შაშიშ მხეცებზე სანადიროდ გეშავდნენ. ბრიტანეთის პოლიციამ მებრძოლი ძაღლების ტიპის შეფასებისას გამოთვა მოსაზრება, რომ მათი ტემპერამენტი და შეუპოვრობა თვით მებრძოლ ჯარისკაცებსაც კი შესურდებოდათ. გარდა ამისა, მასტიფის ჯგუფის ძაღლები მთელ მსოფლიოში ფასობენ მათი გაწონასწორებული ხასიათისა და ბავშვებთან მეგობრული ურთიერთობის გამო. გერმანიის ზოგიერთ ოლქში კი გეგმავენ ამგვარი ძაღლების აკრძალვას, რის მიზეზადაც რამოდენიმე ინციდენტი მოჰყავთ. ამგვარი შემთხვევების საპასუხოდ, რომლის დროსაც როტვეილერმა დაგლიჯა 86 წლის მოხუცი ქალი, ხოლო ორმა ტერიერმა იმსხვერპლა 6 წლის ბიჭი, ბრბომ გერმანიის ერთ-ერთ ქალაქში უდანაშაულო ბულ-ტერიერს ბენზინი გადაასხა და დაწვა, ძაღლების პატრონებს კი კეტ-ბურთის ჩოგნებით დაზდევდნენ. ჰამბურგში ყველა ბულ-ტერიერი კანონგარეშე გამოაცხადეს. ძაღლის პატრონი, რომელმაც ბიჭი იმსხვერპლა ბანდიტობის, სხეულის მძიმე დაზიენებისა და ძაღლების ჩხუბისათვის 17-ჯერ ნასამართლევი რეციდივისტი აღმოჩნდა. ვინ უნდა იყოს პასუხისმგებელი ყველა იმ ქმედებაზე, რომელსაც ძაღლი ჩაიდენს? ალბათ ამ რეციდივისტის მსგავსი სოციალური ნაძირალები, მაგრამ სამწუხაროდ, ისჯებიან მათ მიერ დამახინჯებული ძაღლები. არ არსებობს მოჩხუბარე ძაღლის ჯიშები, არსებობენ მხოლოდ ამისათვის დაგეშილი ძაღლები, ადამიანებზე თავდასხმის ინციდენტები არ შემცირდება, თუ მიზნად ბულ-ტერიერის ჯიშის ავირჩევთ. სასტიკი ძაღლების გამოზრდის მოყვარული უკეთური სუბიექტები, უბრალოდ სხვა ჯიშის ძაღლების დაგეშვას დაიწყებენ. ამის მაგალითია ჰოლანდია. როდესაც იქ 1997 წ. პიტ ბულ-ტერიერი აიკრძალა, მსგავსი ჯიშების შეძენის მსურველთა რიცხვი რამდენიმეჯერ გაიზარდა. ამგვარად, ცალმხრივად პრობლემა ვერ გადაწყდება. აქტით აიკრძაალა იაპონური ტოზას ჯიშის გამოყვანა ბრიტანეთსი. ეს იაპონური საბრძოლო ძაღლებია. ამ ჯიშის ძაღლები მთელს ევროპაში და ჩრდილოეთ ამერიკაშია გავრცელებული და მათი შენახვისას ოჯახებში არც ერთი სამწუხარო ინციდენთი არ მომხდარა. ტოზა მართალია აგრესიულია სხვა ძაღლების მიმართ, მაგრამ მისი სწორი აღრზდა ისევეა შესაძლებელი, როგორც სხვა ნებისმიერი ჯიშის ძაღლისა. ნებისმიერი ძაღლი, რომელიც ადამიანებს ერჩის, ალბათ მოსაშორებელია საზოგადოებისაგან, მაგრამ არა მთელი ჯიში. ვერ გადაწყვეტს პრობლემას პოლიციური ზედამხედველობის გამკაცრებაც. აქტის მიხედვის შემდეგ, პირველი 5 წლის განმავლობაში, პოლიციას 3097 ათასი ფუნტი სტერლინგი დაუჯდა აკრძალული ჯიშების ძაღლთა ნეიტრალიზება და ვეტერინარული მომსახურება. გარდა ამისა, ვინ უნდა იყოს პასუხისმგებელი, რომ განსაზღვროს ამა თუ იმ მფლობელის ძაღლის ჯიში და მათი იდენტიფიცირება აქტით აკრძალულ ძაღლის ჯიშებთან? აქტის მიზანი იყო ადამიანების დაცვა საშიშად მიჩნეულ ძაღლთა, ძირითადად პი ბულ-ტერიერთან კბენისაგან. როგორც უკანასკნელმა გამოკვლევებმა გვიჩვენა, აქტის მიღების შემდეგ ადამიანთა დაკბენა ბულ-ტერიერბის მიერ ოდნავ შემცირდა, თუმცა აქტმა თავის ძირითადად მიზანს ვერ მიაღწია, რადგან საპოლიციო უსიამოვნებისაგან თავის აცილების მიზნით მოიმატა მებრძოლი ჯიშის სხვა ძაღლების გამოყვანამ. მაგ. 3-ჯერ გაიზარდა ჩინური შარ-პეისა და იაპონური აკიტას ჯიშების გამოზრდამ, რადგან ისინი თავიანთ ქვეყნებში მოჩხუბარ ძაღლებად არიან ცნობილნი. ამასთან იგივე გამოკვლევებმა ცხადყვეს, რომ ადამიანთა დაკბენის თვალზასრისით, მწევარი ძაღლები როტველიერებზე 7 გზის უფრო საშიში ყოფილან. ამგავარდ, ამ უსამართლო აქტით, პატრონებს უამრავი უდანაშაული ძაღლი ჩამოერთვათ მხოლოდ მათი საშიში შესახედაობის გამო და წლობით გამომწყვდეულები იქნენ გომურებში. ამ პროგრამებში განსაკუთრებით "მარჯვობდა" ბრიტანეთის დედაქალაქის პოლიცია, რომელსაც მხარე აუგეს ტემზის და სასექსის პოლიციელებმაც. ეს პროგრამები გადასახადის გადამხდელთა რამოდენიმე მილიონი ფუნტი სტერლინგი დაჯდა - ადამიანთა დაკბენის რიცხვი კი იგივე დარჩა. სამწუხაროდ, ბრიტანეთს მიბაძეს სხვა ქვეყნებმაც, პოლონეთსა და საფრანგეთში კანონმდებლობით აკრძალეს სხვა და სხვა ჯიშების გამოყვანა და ამ ჯიშის ძაღლების თავისუფალი გადაადგილება. გერმანიში მიიღეს კანონი, ბულ-ტერიერის ზოგიერთი ჯიშის აკრძალვის შესახებ. ჩრდ. ამერიკის ზოგ ნაწილში თვით ლაბრადორებიც კი აკრძალეს. ამგვარმა ისტერიამ ბევრი ვერაფერი შემატა კანონისა და კანონიერი მართლმსაჯულებისადმი რწმენას. ძაღლები ჭეშმარიტ მოყვარულთ ნამდვილად არ სუღტ, ვიღაც უგნური ნაძირალების გამო, რომლებიც ძაღლებს ანგარებით ამხეცებენ, საკუთარი უდანაშაულო ძაღლების სახელის შერცხვენა და მათი მონსტრებად წარმოდგენა. პირვლ რიგში, იმგვარად უნდა დაიხვეწოს ძაღლების რეგისტრაციის სისტემა, რომ პოლიციამ ადვილად გაარკვიოს, თუ ვის ეკუთვნის მფლობელთა სავალდებულო რეგისტრაცია. საქმე მოწესრიგებულია. იმ შემთხვევაში, თუ რომელიმე ძაღლის საქციელი საეჭვო გახდება, მას გამოცდილმა სპეციალისტებმა ტესტირება უნდა ჩაუტარონ და ნეიტრალიზირებული უნდა იყვნენ მხოლოდ იმ შემთხვევაში თუ გამოსწორება აგარ შეიძლება. გასასტიკებული ძაღლი მოსაშორებელია საზოგადოებისაგან, არა მისი ამა თუ იმ ჯიშისადმი კუთვნილების, არამედ მისი პირადი ქმედების გამო. ყველა უნდა დაისაჯოს ძაღლების სასტიკი ორთაბრძოლის მოწყობისათვის, მაგრამ რა დააშავეს ძაღლებმა, ან მათმა შთამომავლებმა. განა ჩვენ უნდა დავსაჯოთ ჰუნების ბელად ატილას შთამომავლები მათი სასტიკი წინაპრის გამო? ან ჩინგის ხანის და თუნდაც სს-ის საკონცენტრაციო ბანაკების ოფიცერთა შთამომავლები? რათქმა უნდა არა. აქტი ერთგავარად ფართომაშტაბიან ბომბარდირებას ახდენს და არა წერტილოვან დარტყმებს: იგი არასწორი მიმართულებით მოქმედებს და გაუმართლებელ წარმოდგენებს ეფუძნება, სასტიკია და უსამართლო ამიტომ აუცილებლად უნდა გაუქმდეს. საქართველომ არ უნდა გადაიღოს ეს აქტი და იგივე შეცდომები არ უნდა გავიმეოროდ.

შველი (Capreolus capreolus Linnaeus,1758)

GEDLEsims — Sun, 25 Mar 2012 16:59:18 GMT

ირემი. კავკასიური ირემი. (Cervus elaphus Linnaeus).

ფშავში მხოლოდ კავკასიური ირემი ცხოვრობს მას აგრეთვე კეთილშობილ ირემს ეძახიან. მთელი რიგი ნიშნებით ის განსხვავდება სხვა სახის ირმებისაგან (ციმბირის, ყირიმის, ხალებიანი ირემ-ლაღისაგან და სხვა). კეთილშობილი ირემი საქართველოში გავრცელებულია ქვესახეობა Cervus elaphus maral (Ogilby, 1840) ირმის გავრცელების არეალი ფშავში მოიცავდა მნიშვნელოვან ნაწილს, რაზეც მიუთითებს ფშაური ტოპონიმიკა "ირემტკალო". ამჟამად ირემი შემორჩენილია ერთეული ინდივიდების სახით.

ირემი ევრიტოპური სახეობაა. ბინადრობს ფოთლოვან და წიწვოვან ტყეებში, ჭალებში, სუბალპურ და ალპურ სარტყლებში. ვერტიკალურად ვრცელდება ზღვის დონიდან 3100 მეტრამდე.

შველი (Capreolus capreolus Linnaeus,1758)

GEDLEsims — Sun, 25 Mar 2012 16:58:15 GMT

შველი (Capreolus capreolus Linnaeus,1758)

ფშავში გავრცელებულია ქვესახეობა C.c. capreolus Linnaeus, 1758
შველი ბინადრობს ძირითადად ტყის სარტყელში, იშვიათად გვხვდება სუბალპურში. ევრიტოპური სახეობაა. ვერტიკალურად ვრცელდება ზღვის დონიდან 2500 მეტრამდე.

კოხტა, სწორ ფეხებზე შემდგარი მკვრივი ტანი, ლამაზი თავი, მეტად მოხდენილი ტუჩებით, დატოტილი, ზემოთ აშვერილი წვრილი რქებით და შავი ფართო თვალებით, - იგი ჩვენი ბნუების ნამდვილი მშვენებაა. როგორც ირემს, ისე შველსაც რქები მხოლოდ მამალს აქვს, რომელსაც, ამ ოჯახის ჩვეული წესით, ყოველწლიურად ნოემბერ-დეკემბერში იცვლის.
წონა: 22-30კგ. ყურების ზომა: 12-14სმ.; კუდი რუდიმენტულია 2-3სმ; სხეულის სიგრძე 107-126სმ. სიმაღლე ნიდაოში (ხორკა): 70-90სმ.

შველი ბინადრობს ტყის სარტყელში, უმთავრესად მეჩხერ, ნათელ ფოთლოვან ტყეებში გვხვდება. იშვიათად გვხვდება სუბალპურში. ვერტიკალურად ვრცელდება ძღვის დონიდან 2500 მეტრამდე. მცენარეული საკვებით საზროობს,უჭირს დიდ თოვლში გადაადგილება და საკვების მოპოვება. მაკეობს აგვისტო-სექტემბერში. შვილის მაკეობა თითქმის 9 თვეს გრძელდება და მაის-ივნისში შობს ერთ, ორ და ზოგჯერ სამ ნუკრს.

ზოლებიანი აფთარი (Hyaena hyaena).

GEDLEsims — Sun, 25 Mar 2012 16:57:00 GMT

ზოლებიანი აფთარი (Hyaena hyaena).

ძუძუმწოვარი მტაცებელი ცხოველი, აფთრისებრთა ოჯახისა. მისი სიმაღლე 60-85 სმ, სხეულის სიგრძე 95-120 სმ, კუდის 26-45 სმ, წონა 25-45 კგ აღწევს. სიცოცხლის ხანგრძლივობა ტყვეობაში 13 წელია. ზოლებიანი აფთარი ყველაზე პატარაა აფთრებს შორის. იგი ბინადრობს წყლიდან 10 კილომეტრის მოშორებით. მისი ბეწვი რუხი ან ღია ყავისფერია და მუქი ზოლები გასდევს. ზურგზე 20 სანტიმეტრამდე ფაფარი ეზრდება.

აღმოსავლეთ კავკასიური ჯიხვი (Capra cylindricornis)

GEDLEsims — Sun, 25 Mar 2012 16:55:06 GMT

აღმოსავლეთ კავკასიური ჯიხვი (Capra cylindricornis)

იგი კავკასიის ენდემია. ბინადრობს სუბალპურ და ალპურ სარტყელში. გვხვდება აგრეთვე ტყის სარტყლის კლდოვან ხეობებში. ვერტიკალურად ვრცელდება ზღვის დონიდან 5500 მეტრემდე. ჯიხვის საკვები უმთავრესად ალპური ბალახეულია. ჯიხვი იანვარში მაკეობს, ივნისში შობს ერთ ან ორ თიკანს. დოლის დროს შუნი ჯიხვები ფარას სცილდებიან, თიკნების გაჩენის შემდეგ კი კვლავ უბრუნდებიან. ამ დროს მონადირე ხშირად ნახულობს ათეულ და ზოგჯერ რამდენიმე ასეულ ჯიხვს ერთად, უმთავრესად ვაცებს. ჯიხვი მეტად გემრიელი ხორცის, კარგი ტყავის, მოხდენილი რქებისა და ლამაზი აგებულების ცხოველია. დედალ ჯიხვს პატარა და უფრო წვრილი რქები აქვს. ნადირობა ბევრ სიძნელესთან არის დაკავშირებული და ამიტომ ყველასათვის მისაწვდომი არ არის. ჯიხვი ბინადრობს ძნელად მისადგომ, მაღალ კლდეებში, არის მეტად ფრთხილი და მარდი ცხოველი.
ამჟამად ჯიხვზე ნადირობა აკრძალულია. იგი წითელ წიგნშია შეტანილი.

არჩვი, ფსიტი (Rupicapra rupicarpa caucasica),

GEDLEsims — Sun, 25 Mar 2012 16:53:56 GMT

არჩვი, ფსიტი (Rupicapra rupicarpa caucasica),

ჩლიქოსანი ცხოველი ძროხისებრთა ოჯახისა. სხეულის სიმაღლე მინდაოში 65-70 სმ, მენჯთან - 75-85 სმ. წონა 40 კგ-მე. რქები აქვთ ვაცებსაც და ნეზვებსაც. კავკასიური არჩვი იკვებება ბალახით, ზოგჯერ ბუჩქნარის ყლორტებითა და ნეკერით. მაკეობა 6 თვემდე გრძელდება. ჩვეულებრივ მაისში ერთ (იშვიათად ორ) თიკანს შობს.

კავკასიური როჭო

GEDLEsims — Sun, 25 Mar 2012 16:52:53 GMT

კავკასიური როჭო

კავკასიური როჭო ენდემიკოსია. იგი უმთავრესად განშტოებულ მთებზე ცხოვრობს ტყის ზემო ზონაში და სუბალპური ზონის მაღალ ბალახეულში ზღვის დონიდან 1800-2500 მეტრის სიმაღლეზე. მამალი როჭო მთლად შავი ხავერდოვანი ბუმბულითაა დაფარული. წითელი წარბები ამშვენებს მას, ნისკარტი და ფეხები მუქი ძვლისფერი აქვს. ტანი ლამაზი კუდით მთავრდება. დედალი როო რ რუხი ჟანგისფერია, გრძელი კუდით.

როჭო 10 კვერცხს დებს და 6-7 წიწილას ჩეკს.